Битләр: 1 2 3 ( 4 ) 5 6 7 8 9 10 >>

Россия Үзәк сайлау комиссиясе сәяси партияләрнең 2018 елга җыелма финанс хисапларын бастырып чыгарды

05.06.2019

2019 елның 3 июнендә Россия Үзәк сайлау комиссиясе сәяси партияләрнең 2018 елга җыелма финанс хисапларын бастырып чыгарды. Тикшерү йомгаклары турындагы бәяләмә сәяси партияләргә җибәрелде.

60 сәяси партия хисап бирде, шулардан “Киләчәк ата-аналар партиясе” Җәмәгать оешмасы – Сәяси партиясе закон билгеләгән вакытны бозды. “Яшелләр альянсы” Сәяси партиясе хисабын бирмәде.

Татарстан Республикасы Үзәк сайлау комиссиясе 8 сентябрьдә булачак сайлауларда катнашу өчен кандидатлар һәм партияләр тарафыннан документлар әзерләү мәсьәләсе буенча сәяси партияләр вәкилләрен укытты

29.05.2019

28 майда Татарстан Республикасы Үзәк сайлау комиссиясендә (ҮСК) сентябрьдә булачак сайлауларда катнашу өчен кандидатлар һәм партияләр тарафыннан документлар әзерләү мәсьәләсе буенча сәяси партияләр вәкилләрен укыту булды. Семинарда 10 партия вәкилләре катнашты.

Программ эшләнмә функцияләре белән танышу ҮСКнә һәм округ сайлау комиссияләренә кәгазьдә һәм машина укырлык тапшырылачак документлар пакетын корректлы әзерләргә мөмкинлек бирә.

Татарстан Республикасы Үзәк сайлау комиссиясе 2019 елның 8 сентябрендәге сайлаулар алдыннан сәяси партияләр белән очрашу уздырды

24.05.2019

24 май көнне Татарстан Республикасы Үзәк сайлау комиссиясе (ҮСК) сәяси партияләрнең Татарстан Республикасы төбәк бүлекчеләре җитәкчеләре белән очрашу үткәрде.

Очрашуны Татарстан Республикасы ҮСК Рәисе Мидхәт Шаһиәхмәтов ачты. Ул сайлауларны оештыручыларның сәяси партияләр белән гражданнарның электораль активлыгын, сайлау процессының ачыклыгын һәм уңайлыгын тәэмин итү өлешендә ачыктан-ачык үзара хезмәттәшлеге зарурлыгын басым ясап күрсәтте.

Татарстан Республикасы ҮСК участок һәм территориаль сайлау комиссияләренең 21 меңнән күбрәк хезмәткәрен укытты

16.05.2019

Татарстан Республикасы Үзәк сайлау комиссиясе (ҮСК) республиканың барлык шәһәрләре һәм районнарында  территориаль һәм участок сайлау комиссияләре әгъзаларын укытуны тәмамлады. Уку сайлау законнарын белүне һәм аларны гамәлдә куллануны камилләштерүгә юнәлтелде.

Республиканың 21 меңнән артык сайлау системасы хезмәткәре белем алды. Бу – 8 сентябрьдә Татарстан Республикасы Дәүләт Советы депутатларын сайлауларда эшләячәк комиссияләрнең тулы составы.

Татарстан Республикасы Үзәк сайлау комиссиясе сайтында сайлауларда катнашу өчен кандидатлар һәм сәяси партияләр тарафыннан документлар әзерләргә программ эшләнмәнең тест версиясе урнаштырылды

08.05.2019

2019 елның 8 сентябрендә булачак алтынчы чакырылыш Татарстан Республикасы Дәүләт Советы депутатларын сайлау кампаниясе якынлаша. Сайлауларны билгеләү турында карар рәсми басылып чыккан көннән соң икенче көнне кандидатларны, кандидатлар исемлекләрен күрсәтү процедурасы башлана.

Татарстан Республикасы Үзәк сайлау комиссиясе (ҮСК), партияләр теләкләрен, узган сайлаулардагы уңай тәҗрибәне исәпкә алып, “Сайлаулар” ДАС белешмәләр базасына кую өчен электрон рәвештә кандидатлар, вәкаләтле вәкилләр, ышанычлы затлар турында белешмәләр әзерләүне программ тәэмин итү” продукты урнаштырды.

Программа ике модульдән тора.

Татарстан Республикасы Үзәк сайлау комиссиясенең 56нчы утырышы булды

07.05.2019

Татарстан Республикасы Үзәк сайлау комиссиясенең (ҮСК) чираттагы утырышы көн тәртибенә тугыз мәсьәлә кертелде.

Алтынчы чакырылыш Татарстан Республикасы Дәүләт Советы депутатларын сайлаулар буенча сайлау кампаниясе чорында сайлау алды агитациясе материалларын һәм алар белән бер вакытта тапшырылучы документларны Татарстан Республикасы ҮСКндә һәм округ сайлау комиссияләрендә кабул итү, исәпкә алу, анализлау, эшкәрту һәм саклау тәртибе турында

“Россия Федерациясе гражданнары сайлау хокукларының һәм референдумда катнашу хокукының төп гарантияләре турында” Федераль законның 54 статьясы 3 пункты, Татарстан Республикасы Сайлау кодексының 64 статьясы 4 өлеше нигезендә агитация (басма, аудиовизуаль, башка) материаллар яки аларның күчермәләре республика кандидатлар исемлеген күрсәткән сәяси партия тарафыннан алар таратыла башлаганча Татарстан Республикасы ҮСКнә тапшырылырга тиеш.

Татарстан Республикасы Үзәк сайлау комиссиясенең 55нче утырышы булды

30.04.2019

Үзәк сайлау комиссиясенең (ҮСК) чираттагы утырышы көн тәртибенә сигез мәсьәлә кертелде.

Алтынчы чакырылыш Татарстан Республикасы Дәүләт Советы депутатларын сайлаулар үткәргәндә, республика кандидатлар исемлекләрен күрсәткән сайлау берләшмәләре Татарстан Республикасы ҮСКнә тапшыра торган документлар исемлеге һәм аларның формалары турында

Татарстан Республикасы ҮСК карары белән бердәм республика сайлау округы буенча алтынчы чакырылыш Татарстан Республикасы Дәүләт Советы депутатлыгына сайлау берләшмәсе күрсәткән кандидатлар республика исемлеген таныклау өчен Татарстан Республикасы ҮСКнә тапшырылучы документлар исемлеге; алтынчы чакырылыш Татарстан Республикасы Дәүләт Советы депутатлыгына сайлау берләшмәсе күрсәткән ышанычлы затларны теркәү өчен документлар исемлеге һәм үрнәкләре; киңәш бирү тавышына хокуклы Татарстан Республикасы ҮСК әгъзасын билгеләп кую өчен Татарстан Республикасы ҮСКнә бирелүче документлар исемлеге һәм үрнәкләре хупланды.

Татарстан территориаль сайлау комиссияләре әгъзалары Татарстан Республикасы Дәүләт Советына сайлаулар алдыннан квалификацияләрен күтәрәләр

26.04.2019

8 сентябрьдәге бердәм тавыш бирү көнендә Татарстанда республикабыз парламентына – Татарстан Республикасы Дәүләт Советына сайлаулар була.

Башлануына инде бер айлап кына калган сайлау кампаниясе алдыннан Татарстан Республикасы Үзәк сайлау комиссиясе (ҮСК) сайлауны оештыручы республика сайлау комиссияләре әгъзаларын киң колачлы планлы әзерләү алып бара.

22 апрельдә территориаль сайлау комиссияләре (ТСК) әгъзаларының квалификациясен күтәрү программасы старт алды. Нәкъ менә ТСК әгъзаларына бермандатлы округлар буенча депутатлыкка кандидатларны теркәү өчен документлар кабул итү, кандидатларны теркәү, кандидатлар турында белешмәләрне тикшерү, имза кую кәгазьләрен тикшерү тәртибе һ.б. буенча югары җаваплылык йөкләнә.


Битләр: 1 2 3 ( 4 ) 5 6 7 8 9 10 >>



последние фоторепортажи




чаралар планы

Дш Сш Чш Пҗ Җм Шм Як
9 10 11 12 13 14 15
Декабрь 2019 ел.

Дш Сш Чш Пҗ Җм Шм Як
       1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31      
башка айлар

элемтәләр
Адрес:
420111, г.Казань, ул.Батурина, 7Б
Телефон:
(843) 292-84-33
Факс:
(843) 292-84-33
E-Mail:
  Яндекс цитирования Яндекс.Метрика