Татарстан Республикасының иң яхшы территориаль сайлау комиссиясе исеменә конкурс башлана

Бүген Татарстан Республикасы Үзәк сайлау комиссиясе утырышында VII чакырылыш Россия Федерациясе Федераль Собраниесе Дәүләт Думасы депутатларын сайлауларны әзерләу һәм үткәрү чорында иң яхшы мәгълүмати-аңлату эшчәнлегенә Республика территориаль сайлау комиссияләре арасында конкурс уздыру турында карар кабул ителде.

2016 елның 6 июненнән 31 октябренә кадәр узачак конкурс иң яхшы территориаль сайлау комиссиясен биш номинациядә ачыклый:

1) “Сайлау процессында катнашучылар арасында актив мәгълүмати-аңлату эше”;

2) “Массакүләм мәгълүмат чаралары белән конструктив хезмәттәшлек өчен!”;

3) “Яшьләр һәм сайлаулар”;

4) “Чикле мөмкинлекләр – чиксез хокук”;

5) “Бердәм эш – уңыш нигезе!"

Конкурс нигезләмәсе, шулай ук Татарстан Республикасы Үзәк сайлау комиссиясе 2016 елның 2 июнендәге утырышында кабул ителгән карарлар белән безнең сайтта Татарстан Республикасы ҮСК Карарлары бүлегендә танышырга мөмкин.