ЯҢАЛЫКЛАР


20
декабрь 2017 ел.
чәршәмбе

Россия Федерациясе Президентын сайлаулар алдыннан, шулай ук Татарстанда яшьләрнең хокукый культурасын һәм электораль активлыгын күтәрү чаралары кысаларында “Яшьләр яшьләргә сайлаулар турында» дигән республика акциясе үткәрелә. 

Бу акция югары һәм урта уку йортларында 18 декабрьдә – сайлау кампаниясе башлану турында рәсми игълан ителгән көндә – башланып китте һәм тавыш бирү көненә кадәр дәвам итәчәк. Бүген чара Казан дәүләт медицина университетында узды.


19
декабрь 2017 ел.
сишәмбе

Татарстан Республикасы Үзәк  сайлау комиссиясе (ҮСК)рәсми сайтына керүче хөрмәтле сайлаучылар!

Безнең сайтта Сез Татарстан Республикасы ҮСК компетенциясенә караган сорауларыгызга бик тиз һәм квалификацияле җавап ала аласыз.

Моның өчен Сезгә гариза формасын тутырырга, анда фамилиягезне, исемегезне, атагызның исемен (соңгысы – булса),электрон почта адресын яки почта адресын (җавапны электрон формада яисә язмача җибәрер өчен)күрсәтергә кирәк.

Моннан тыш, Сез мөрәҗәгатегезне Татарстан Республикасы ҮСК рәсми электрон почтасына cik. rt@tatar.ru җибәрә аласыз.


16
декабрь 2017 ел.
шимбә

Сайлаучыларның хокукый культурасын һәм электораль активлыгын күтәрү чаралары кысаларында Татарстан  Республикасы Үзәк сайлау комиссиясе (ҮСК) физик мөмкинлекләре чикле балалар һәм яшьләр арасында V Республика «Без – Россия гражданнары!» дигән иҗади конкурс оештырды һәм үткәрде.

Конкурста Татарстан  Республикасының 40 муниципаль районыннан һәм ике шәһәр округыннан 306 кеше катнашты. Конкурс өч номинация: «Мин – сайлаучы» (декоратив-гамәли конкурс), «Сайлауларны сурәтлибез» (рәсемнәр конкурсы), «Йөрәгем һәм шигырем белән сайлым» (әдәби конкурс) номинацияләре буенча уздырылды.


15
декабрь 2017 ел.
җомга

15 декабрь көнне  Татарстан Республикасы Үзәк сайлау комиссиясенең (ҮСК) тугызынчы утырышы булды, аның барышында 6 мәсьәлә каралды.

Көн тәртибен караганда ҮСК Рәисе комиссиянең Россия Федерациясе Президентын сайлауларга әзерлеге буенча агымдагы эшчәнлеге турында сөйләде.  Аерым алганда, Россия Федерациясе чикләрендә теркәлмәгән затлар тавыш  бирсен өчен участокларны билгеләү буенча эш, шулай ук вакытлыча булу урыннарында тавыш бирү һәм тавышларны санау участоклары булдыру турында хәбәр итте. “Россия Федерациясе Президентын сайлауларда барлыгы 50 вакытлыча сайлау участоклары, шул исәптән 3 яңа – тимер юл вокзалында, Универсияда авылында һәм медицина университеты клиникасы хирургия корпусында участоклар булдырылачак”, – дип белдерде Татарстан ҮСК башлыгы.

Аннан соң комиссия әгъзалары республикабыз Дәүләт Советында вәкилләре булган сәяси партияләр эшчәнлеген яктыртуга тотылган эфир вакыты күләмен исәпкә алу нәтиҗәләре, Контроль-ревизия хезмәте составына үзгәрешләр кертү турындагы карарларны, шулай ук “Без – Россия гражданнары!” дигән республика иҗади конкурсы йомгаклары турында карарны расладылар.


8
декабрь 2017 ел.
җомга

Бүген Татарстан Республикасы  Үзәк сайлау комиссиясе (ҮСК) Рәисе Мидхәт Шаһиәхмәтов һәм Татарстан Республикасы Иҗтимагый палатасы Рәисе  Анатолий Фомин Россия Федерациясе гражданарының сайлау хокукларын һәм референдумда катнашу хокукын гамәлгә ашыру мәсьәләләре буенча хезмәттәшлек итү турында килешүгә кул куйдылар.

Документ  якларның сайлау хокукларын тәэмин итү һәм яклау, дәүләт органнары, җирле үзидарә органнары һәм вазыйфаи затлар тарафыннан кеше хокукларын һәм ирекләрен саклау һәм хөрмәт итү, сайлаулар һәм референдумнар турында Россия Федерациясе һәм Татарстан Республикасы  законнарын үтәү буенча гамәлләрен билгели.


1
декабрь 2017 ел.
җомга

2018 елда Россия Президентын сайлаулар алдыннан Татарстан Республикасы Үзәк сайлау комиссиясе (ҮСК) Дәүләт һәм муниципаль хезмәтләр күрсәтү төбәк күпфункцияле үзәге  (МФЦ) белән хезмәттәшлек турында килешүгә кул куйды.

Сайлау законнарындагы соңгы үзгәрешләр нигезендә фактта яшәгән урын буенча тавыш бирүнең яңа тәртибе кертелде. Хәзер, үзенә уңайлы теләсә-кайсы сайлау участогында тавыш бирү өчен сайлаучыга закон белән анык билгеләнгән вакытта территориаль (тавыш бирү көне алдыннан 45 көннән алда түгел һәм 5 көннән дә соң түгел), участок (тавыш бирү көненә кадәр 20 көннән алда түгел һәм 5 көннән дә соң түгел; ә 4 көннән алып 1 көнгә кадәр монда ук маркалы махсус гариза рәсмиләштерергә мөмкин) комиссияләренә гариза бирү җитә. Гаризаны Татарстан Республикасы территориясендә эшләп килгән 53 филиалның теләсә кайсы аша да бирергә була (тавыш бирү көне алдыннан 45 көннән алда түгел һәм 5 көннән дә соң түгел).


29
ноябрь 2017 ел.
чәршәмбе

Бүген Татарстан Республикасы ҮСКдә Россия ҮСК белән видеоконференция булды, анда 2018 елда Россия Федерациясе Президентын сайлаулар буенча сайлау кампаниясенең визуаль концепциясе күрсәтелде.

Республика ҮСК утырышлар залында Үзәк сайлау комиссиясе әгъзалары, территориаль сайлау комиссияләре җитәкчеләре, массакүләм мәгълүмат чаралары вәкилләре җыелды.

Россия Федерациясе Президентын сайлаулар буенча сайлау кампаниясе башлану алдыннан Татарстан Республикасы Үзәк сайлау комиссиясе Рәисе Мидхәт Шаһиәхмәтов һәм Татарстан Республикасы Хезмәт, эш белән тәэмин итү һәм социаль яклау министры Әльмира Зарипова сайлау кампанияләрен, республика территориясендә референдум кампанияләрен әзерләү һәм  үткәрү чорында үзара хезмәттәшлек турында килешүгә кул куйдылар.

Документ, организмнарының тотрыклы бозылуын исәпкә алып, физик мөмкинлекләре чикле гражданнарның сайлау хокукларын гамәлгә ашыруны тәэмин итү, Татарстан Республикасы территориясендә яшәүче инвалид гражданнарның хокукый культурасын һәм электораль активлыгын күтәрү буенча ҮСК  һәм Министрлыкның бергәләп эшләвен күздә тота.


23
ноябрь 2017 ел.
пәнҗешәмбе

Мөмкинлекләре чикле балалар һәм яшьләр арасында “Без – Россия гражданнары!” дигән бишенче - юбилей конкурсы комиссиясе эшкә кереште.

Татарстан Республикасы Үзәк сайлау комиссиясе (ҮСК), Республика сукырлар һәм начар күрүчеләр өчен махсус китапханәсе белән бергәләп, инде традициягә әйләнгән мөмкинлекләре чикле балалар һәм яшьләр арасында “Без – Россия гражданнары!” дигән конкурс уздыра. Быел бу бишенче – юбилей конкурсы 2018 елның төп сәяси вакыйгасы – Россия Федерациясе Президентын сайлауларга туры китереп уздырыла.


29
сентябрь 2017 ел.
җомга

Бүген Татарстан Республикасының алтынчы составтагы Үзәк сайлау комиссиясенең беренче оештыру утырышы булды. Федераль һәм республика законнары нормалары нигезендә яңа составка 14 кеше билгеләп куелды.


ЯҢАЛЫКЛАРГА ЯЗЫЛУ
Адрес: 420111, г.Казань, ул.Батурина, 7Б. Режим работы: с пн. по чт. - с 09.00 - 18.00, пт. - с 09.00 - 17.00 (обед с 12.00 -13.00)
Телефон: (843) 292-84-33
Факс: (843) 292-84-33
E-Mail: cik.rt@tatar.ru