Массакүләм мәгълүмат чаралары вәкилләре игътибарына!
ММЧ вәкилләрен аккредитацияләү тәртибе Россия Федерациясе ҮСКнең 2017 елның 19 апрелендәге 80/698-7 номерлы карары белән расланган.
ММЧ вәкилләрен аккредитацияләү өчен Татарстан Республикасы ҮСКнә түбәндәге документлар бирелә:
а) тавыш бирү көнен күрсәтеп, баш мөхәррир кул куйган гариза. Гариза кәгазьдә һәм (яисә) электрон рәвештә (скан), шулай ук MS Excel форматында машина укырлык рәвештә тапшырыла.
б) баш мөхәррир таныклаган ММЧны теркәү турындагы таныклыкның күчермәсе (теркәлгән ММЧ өчен). Гаризаны электрон рәвештә биргәндә ММЧны теркәү турында таныклыкның кул куелган күчермәсе электрон образы (скан) җибәрелә.
Тавыш бирүе 2018 елның 9 сентябренә билгеләнгән муниципаль берәмлекләрнең вәкиллекле органнары депутатларын өстәмә сайлауларда аккредитацияләүгә гаризалар 2018 елның 10 июленнән 5 сентябренәчә кабул ителә. Аккредитациягә документлар кабул итү эш көннәрендә 9.00 сәгатьтән 18.00 сәгатькә кадәр түбәндәге адрес буенча башкарыла: 420111, Казан шәһәре, Батурин урамы, 7Б йорт яисә 16.smi@tatar.ru электрон почтасына җибәрелә.
ММЧ вәкилләрен аккредитацияләүгә бәйле барлык мәсьәләләр белән (843) 292-91-26 телефоны буенча мөрәҗәгать итүегезне сорыйбыз.