Татарстан Республикасы Үзәк сайлау комиссиясе теркәлгән кандидатлар арасында түләүсез басма мәйданнарны җирәбәгә салу үткәрде
12 август көнне “Мәскәү” мәдәни үзәгендә 28 номерлы Түбән Кама бермандатлы сайлау округы буенча Россия Федерациясе Федераль Собраниясе Дәүләт Думасы депутатын өстәмә сайлауларда теркәлгән кандидатлар арасында түләүсез басма мәйданнарны җирәбәгә салу булды. Анда дәүләт вакытлы басмалары редакцияләре вәкилләре дә катнашты.
- Җирәбә салу теркәлгән кандидатлар өчен бертигез шартлар тудыру максатларында уздырыла. Россия Федерациясе Федераль Собраниясе Дәүләт Думасы депутатын өстәмә сайлауларда түләүсез басма мәйданнарны 18 вакытлы басма нәшрият бирәчәк, - дип хәбәр итте Татарстан Республикасы Үзәк сайлау комиссиясе (ҮСК) рәисе Андрей Кондратьев. – Массакүләм матбугат чараларында агитация чоры 15 августта башлана.
Исегезгә төшерәбез, Татарстан ҮСК 28 номерлы Түбән Кама бермандатлы сайлау округы буенча Россия Федерациясе Дәүләт Думасы депутатын өстәмә сайлауларда алты кандидат теркәлде, аларны түбәндәге сәяси партияләр күрсәтте:
- “Бердәм Россия” партиясеннән – Олег Викторович Морозов
- “Гадел Россия” партиясеннән – Илнар Рәшит улы Сираев
- ЛДПР партиясеннән – Андрей Васильевич Колосов
- “Россия коммунистлары” партиясеннән – Николай Александрович Барсуков
- “Социаль Гаделлек Коммунистлар Партиясе” партиясеннән – Леонид Михайлович Стражников
- КПРФ партиясеннән – Альберт Әхмәтвагыйз улы Яһудин
Түбән Кама бермандатлы сайлау округына республиканың 10 муниципаль берәмлеге керә:
- Аксубай муниципаль районы
- Алексеевск муниципаль районы
- Әлки муниципаль районы
- Зәй муниципаль районы
- Түбән Кама муниципаль районы
- Яңа Чишмә муниципаль районы
- Нурлат муниципаль районы
- Спас муниципаль районы
- Чирмешән муниципаль районы
- Чистай муниципаль районы
28 номерлы Түбән Кама сайлау округы буенча Россия Федерациясе Федераль Собраниясе Дәүләт Думасы депутатын өстәмә сайлаулар 11, 12, 13 сентябрьдә була. Шул ук көннәрдә республикада Татарстан Президентын сайлаулар, Алабуга сайлау округында Татарстан Дәүләт Советы депутатын өстәмә сайлаулар, шулай ук җирле үзидарә органнары депутатларын сайлаулар узачак.