Татарстан Республикасы территориаль сайлау комиссияләре белән эшлекле киңәшмә булды

2016 елның 17 июне, җомга

Бүген Татарстан ҮСК утырышлар залында видеоконференция режимында республика территориаль сайлау комиссияләре белән җиденче чакырылыш Россия Федерациясе Федераль Собраниесе Дәүләт Думасы депутатларын сайлауларны, Татарстан Республикасы муниципаль берәмлекләрнең вәкиллекле органнары депутатларын өстәмә сайлауларны әзерләү һәм үткәрү мәсьәләләре буенча эшлекле киңәшмә булды.

Киңәшмәдә катнашучыларны Татарстан Республикасы ҮСК Рәисе Әкзам Гобәйдуллин сәламләде. Ул Россия Федерациясе Президенты В.Путин 2016 елның 18 сентябрендә сайлаулар билгеләү турындагы Указга кул куюы хакында белдерде, ә бу исә федераль сайлау кампаниясенә рәсми старт бирү дигән сүз.

Аннан соң комиссия секретаре Надежда Борисова, законнарга үзгәрешләр кертелү белән бәйле рәвештә, җирле үзидарә вәкиллекле органнары депутатларын өстәмә сайлаулар уздыру үзенчәлекләре турында сөйләде. Татарстан ҮСК Рәисе урынбасары Валентина Каменькова федераль һәм өстәмә сайлауларда финанслау мәсьәләләренә җентекләп тукталды.

Киңәшмә ахырында Татарстан Республикасы ҮСК аппаратының хокук бүлеге мөдире Елена Григорьева чыгыш ясады. Ул киңәшмәдә катнашучылар игътибарына кандидатлар күрсәтү һәм теркәү тәртибендәге төп үзгәрешләрне җиткерде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

сентябрь, 2020 ел

Татарстан Республикасы Үзәк сайлау комиссиясе Дәүләт Думасы депутаты Олег Морозовны теркәде

Татарстан Республикасы Үзәк сайлау комиссиясе (ҮСК) Олег Викторович Морозовны җиденче чакырылыш Россия Федерациясе Федераль Собраниясе Дәүләт Думасы депутаты итеп теркәде

сентябрь, 2020 ел

Татарстан Республикасы Үзәк сайлау комиссиясе Татарстанның сайланган Президентнын теркәде

Тиешле карар бүген Татарстан Республикасы Үзәк сайлау комиссиясенең (ҮСК) 123нче утырышында кабул ителде. Татарстан Республикасы ҮСК Рөстәм Нургали улы Миңнехановны Татарстан Республикасының сайланган Президенты итеп теркәде. Татарстан Республикасы Президенты вазифасына сайланган Рөстәм Нургали улы Миңнеханов сайлауларда катнашкан гражданнарның 83,27% тавышын алды. Альмир Александрович Михеев кандидатурасын сайлаучыларның 4,93% хуплады, Альфред Рәкыйб улы Вәлиевка сайлаучыларның 4,64% тавыш бирде, Олег Владимирович Коробченко сайлаучыларның 3,58%, Владимир Валерьевич Сурчилов – 2,84% тавышын җыйды.

сентябрь, 2020 ел

Татарстан Республикасы Үзәк сайлау комиссиясе узган сайлауларны – булган, ә сайлау нәтиҗәләрен гамәлдә дип таныды

2020 елның 15 сентябре, чәршәмбе Тиешле карар бүген Татарстан Республикасы Үзәк сайлау комиссиясенең 122нче утырышында кабул ителде. Татарстан Республикасы Президентын сайлаулар, җиденче чакырылыш Россия Федерациясе Федераль Собраниясе Дәүләт Думасының 28 номерлы Түбән Кама сайлау округы буенча депутатын өстәмә сайлаулар һәм Татарстан Республикасы Дәүләт Советының 37 номерлы Алабуга сайлау округы буенча депутатын өстәмә сайлаулар булган һәм сайлау нәтиҗәләре гамәлдә дип танылды.

сентябрь, 2020 ел

Татарстанда бердәм тавыш бирү көне бара

Россия Федерациясенең 83 субъектында барлык дәрәҗәдәге тугыз меңнән артык сайлау кампаниясе бара. Ил буенча 56 меңнән күбрәк сайлау участогы ачылды. Татарстан Республикасында тавыш бирү 2807 участок сайлау комиссиясендә уза, шул исәптән сайлаучыларның вакытлыча булу урыннарында 46 (38 – хастаханәләрдә, 4 – СИЗОларда, 2 – шифаханәләрдә, 1 – тимер юл вокзалында) комиссия эшли.

ЯҢАЛЫКЛАРГА ЯЗЫЛУ